©31 20 Tetor 2018, 00:00
Nëse nuk ndjek Rozana Radin në instagram, nuk ke fare sens humori
NEWS-31
Prej disa kohësh tashmë artistja Rozana Radi ka nisur një serial mjaft tërheqës dhe argëtues të quajtur “Femzanat”, dedikuar totalisht vajzave, "zanave".
“Femzanat” është një nga rubrikat e emisionit “Boom” në Ora News, nën moderimin e Fiori Dardhës dhe vetë Rozit. E megjithatë "Femzanat" tashmë janë motivi i të qeshurave në Instagramin e Rozit. Duket sikur ndjekësit e saj (sidomos vajzat) gjejnë veten tek videot dhe historitë që vijnë me kaq humor. Po edhe djemtë nuk mbeten pas. Të gjithë kanë patur një "femzanë" në jetën e tyre që ka qënë xheloze, kapriçoze, e dashuruar, që kontrollon telefonin, që bën si e fortë po telrfonon me privat për t'i dëgjuar zërin etj etj...
Në qendër të vëmendjes vendoset figura femërore dhe mënyra se si ato reagojnë në situata të ndryshme. E padyshim, që këtë rol nuk mund t’a bënte askush më mirë se vet Rozi. Videot e postuara në profilin e saj në instagram, kanë krijuar tek publiku një impakt të menjëhershëm. Duke nisur nga gruaja në karrierë, zonja e shtëpisë, nëna e përkushtuar, studentja e shkëlqyer, vajza çapkëne, zonjusha rebele, modestja, e dashuruara, e deri tek histerikja, Rozi tregon histori të ndryshme vajzash të trajtuara me nota humori.
E nëse deri më tani, keni humbur episodet e “Femzanave”, mos e bëni më këtë gabim. Të gjithë tek instagrami i Rozana Radit sepse të gjitha jemi nga pak "femzana".
View this post on Instagram
View this post on Instagram
View this post on Instagram