Rruga drejt Oscars/ Shpallen fituesit për çmimet BAFTA, cili ishte filmi që triumfoi mbi të tjerët?

Sezoni i cmimeve të rëndësishme sa i takon kinematografisë po vjen drejt fundit, teksa para "kulmit", cmimeve Oscar që do të mbahen herët muajin tjetër, radhën e kishte BAFTA, evenimenti prestigjoz britanik që nderoi më të mirët e filmit në 2023-in. Edhe në EE BAFTA 2024, triumfuesi më i madh ka qenë filmi i Christopher Nolan, "Oppenheimer", i cili kishte plot 13 nominime dhe mori 7 trofe, përfshirë ato për Regjizorin më të Mirë, Aktorin më të mirë në rolet kryesore dhe mbështetëse. 

Kështu, Cillian Murphy u shpall aktori më i mirë për rolin e vetë J Robert Oppenheimer, i njohur si "babai i bombës atomike", ndërsa Robert Downey Jr fitoi aktorin më të mirë në rol suportues.  Ndërsa filmi “Barbie”, edhe pse i nominuar pothuajse në cdo kategori dhe me fitimet më të mëdha kinematografike të vitit, doli pa asnjë cmim. Regjisorja e Barbie, Greta Gerwig, njësoj si në Oscars, nuk arriti të nominohej për regjinë as për çmimet BAFTA, gjë që sërish u komentua së tepërmi. 

Ndërkohë, këto ishin triumfuesit për cmimet kryesore: 

Aktorja më e mirë: Emma Stone – Poor Things

Aktori më i mirë: Cillian Murphy – Oppenheimer

Aktorja më e mirë dytësore: Da’Vine Joy Randolph – The Holdovers

Aktori më i mirë dytësor: Robert Downey Jr – Oppenheimer

Regjisori më i mirë: Oppenheimer – Christopher Nolan

/News31