ZODIAC 23 Mars 2023, 21:55

Ngjarje që ndodh vetëm një herë në jetë: Plutoni kthehet te Ujori pas 225 vitesh, çfarë do të thotë kjo?

NEWS-31

Ngjarje që ndodh vetëm një herë në jetë: Plutoni

Një ngjarje e rëndësishme astrologjike ka ndodhur ditët e fundit, teksa Plutoni është kthyer tek shenja e Ujorit pas plot 225 vitesh dhe kjo do të sjellë eksperienca dhe ngjarje që nuk i kemi përjetuar kurrë më parë. Kështu, më 23 mars, planeti i rilindjes, jetës dhe vdekjes, pra Plutoni, kalon nga Bricjapi te Ujori inteligjent. Hera e fundit që ndodhi kjo ishte nga viti 1778 deri në 1798, që për rastësi ishin edhe vitet e "Revolucionit Francez". Një ngjarje që ndodh njëherë në jetë dhe çdo shenjë pritet të jetë mjaft e prekur nga ky rikthim.

Por cfarë pritet të ndodhë? Kjo lëvizje do të sjellë shumë mundësi, fillime të reja dhe ngjarje emocionuese në marrëdhënie, duke shkaktuar ndjenja të forta dhe të paprecedenta. Mund të sjellë përsëri në jetën tuaj dashuritë e vjetra me një dinamikë të ndryshme që në asnjë mënyrë nuk do të krahasohet me të kaluarën, pasi do të sjellë transformim total në gjithçka që prek.

Në një farë mënyre do të kemi rigjenerim në çdo nivel dhe në të njejtën kohë Plutoni në Ujor do të nxjerrë në dritë zbulime të mëdha teknologjike dhe shkencore, duke e drejtuar botën që të përparoje sidomos në perceptimin e informacioneve të reja.

Gjithashtu ky rikthim vjen për të shkundur dhe shkatërruar atë që nuk duhet të jetë më me ne, pasi ai mban fuqinë e jetës dhe vdekjes. Do të lërë shumë hapësirë ​​për fillime të reja, por kjo nuk do të thotë se nuk do të shkaktojë edhe ngjarje jo të këndshme si tradhti, konflikte dhe sjellje destruktive. Në fund zhvillimet pritet të sjellin dicka pozitive, por ndoshta për disa prej këtyre zhvillimeve do të duhet kohë që të ndodhin dhe duhet durim.

Plutoni do të qëndrojë në Ujor deri më 11 qershor 2023, kur do të kthehet te Bricjapi për herë të fundit. Në janar të vitit 2024 do të hyjë përfundimisht në Ujor dhe do të qëndrojë deri në janar 2044.

/News31