“Tregon që është homoseksual”, Aleks Seitaj reagon pas deklaratës së fortë të Rezart Veleshnjës



Rezart Veleshnja na la të gjithë pa fjalë me deklaratën e tij për Aleks Seitaj dje në emisionin “Shqipëria Live”. Ai tha se aktori në parodinë e fundit të publikuar në Youtube tregon se është homoseksual. “Në anglisht nuk do e kenë për turp këta, sepse fëmijët e hapin në Youtube, gjë që e ka bërë ai djali. Njeriu pëson trauma, pëson gjëra. Mbase ai në atë këngë tregon që është homoseksual. Unë kam shok gay, i pranoj. Tani që ne i pranuam këta tregojnë se çfarë bëjnë brenda llojit dhe seksit të vetë, nuk është e nevojshme të ma thuash këtë gjë”, tha Rezarti.





Pas kësaj, ka ardhur edhe reagimi i Aleksit në Instagram i cili përmes një videoje i është përgjigjur Veleshnjës, duke theksuar se në parodinë e tij +18 ka qenë në petkun e personazhit, pra “Vezires”.






Artisi i “Portokalli” më pas i ka thënë Rezit ta tregojë veten me punë e jo duke sulmuar kolegët nga hiçi.

“Më vjen gjynah që një aktor paragjykon një tjetër aktor duke dalë në konkluzione për seksualitetin për jetën personale. Unë nuk kam dal si Alex atje të këndoj një këngë personale të jetës sime, unë kam qëndruar në petkun e personazhit. Çfarë do të thotë kjo? Që edhe kur Rezi ka dalë dhe ka luajtur personazhe grash dhe ka flirtuar në skenë me aktor të tjerë do të thotë që ka ndonjë gjë në jetën e tij personale? Absolutisht jo! Por mesa duket kur e bëj unë na paska.Unë këtë këngë e ka postuar vetëm tek profili i Vezires dhe kam shkruar poshtë që kënga është 18+. E vetmja gjë që rrëmbeu vëmendjen e të rinjve dhe i shtyu ata ta shikonin ishte pikërisht prononcimi i Rez Veleshnjës që tha do tmerrohen të rinjtë tanë, do mësohen keq.Unë se kam promovuar fare në Shqipëri atë parodi, sepse ka qenë për jashtë shtetit. Edhe kënga ishte 18+ që nëse ti nuk ke një llogari 18+ nuk mund ta shikosh atë parodi, kështu që unë nuk e kuptoj ku e ka hallin e madh Rez Veleshnja me atë parodi. Gjithsesi unë tani e hoqa parodinë, sepse vëmendja shkoi atje, sidomos vëmendja e të rinjve dhe unë nuk e dua këtë gjë. Dhe më duket totalisht absurde që të sulmosh dikë që të tregosh se je më i mirë. Nëse do të tregosh veten tënde si më të mirë, atëherë puno, bëj gjërat e tua, fito lekët e tua dhe nëse të duket e drejtë të sulmosh njerëzit e tjerë nga hiçi nuk di domethënë. Mirë që na bëhet moral, por nga kush na bëhet moral? Por ndryshe nga kolegu im unë nuk i përmend të palarat e të tjerëve, sepse kam respekt dhe dinjitet për veten”, shprehet Aleksi. /News31