Probleme tek Bayern, Mane godet shokun e ekipit pas humbjes ndaj Manchester City-t!
Mbrëmjen e djeshme Bayern Munchen ka pësuar një humbje të rëndë në raundin cerek-final të Champions League ndaj Manchester City-t, teksa bavarezët kanë pësuar 3 gola dhe për asnjë moment nuk kanë qenë në nivel me ekipin anglez. Megjithatë duket se humbja 3-0 nuk ishte gjëja më e keqe që i ndodhi Bayern-t në Manchester, teksa sipas "Bild", një grindje e madhe ka shpërthyer brenda klubit, me Sadio Mane që raprtohet se ka goditur shokun e ekipit, Sane.
Prestigjozja gjermane pretendon se senegalezi fillimisht i është ankuar gjermanit për mënyrën sesi i ka folur pas përfundimit të ndeshjes dhe më pas, pa sqaruar se çfarë ka ndodhur, e ka goditur në fytyrë dhe në veçanti në buzë. Pjesa tjetër e bavarezëve kanë ndarë dy lojtarët, ndërsa Sane më pas u largua i irrituar nga dhoma e zhveshjes.
Dëshmitarët okularë raportojnë se goditja e Mane ka lënë shenjë në fytyrën e gjermanit, ndërkohë deri tani zyrtarët e Bayern nuk kanë komentuar çfarë ka ndodhur. /News31
❗ There was a big bust-up between Sadio Mané and Leroy Sané last night. Both had an argument on the pitch. After the final whistle, Mané complained about how Sané spoke to him on the pitch. Suddenly the Senegalese attacked Sané and hit him in the face (on the lip) [@BILD] pic.twitter.com/xnnPa0kKi6
— Bayern & Germany (@iMiaSanMia) April 12, 2023