Një nga portierët më të mëdhenj të historisë , Buffon i thotë lamtumirë futbollit!

Gigi Buffon thotë "stop". Nuk ka ende një komunikim zyrtar, i cili pritet të mbërrijë në ditët në vijim në rrjetet sociale të portierit e në media, por sipas "Gazzeta Dello Sport" vendimi është marrë.

Pas reflektimeve të gjata, portieri kampion bote do të tërhiqet nga futbolli profesionist në moshën dyzet e pesë vjeç. Buffon i cili kishte ende një vit kontratë me Parmën, nuk ka pasur probleme fizike që e cuan drejt këtij vendimi, por ka vendosur pasi për të është koha e duhur.

Ai filloi me Parmën, në nëntor 1995, dhe përfundoi me Parmën në verën e 2023, pas njëzet e tetë vitesh karrierë, teksa fitoi pothuaje gjithcka me Juventusin, PSG dhe përfaqësuesen italiane. 

/News31