Pas Greqisë, kufizohet edhe lëvizja e shqiptarëve me Malin e Zi!

Pak ditë më parë, ministria e Jashtme publikoi një njoftim, ku lajmëronte të gjithë shtatesit shqiptarë për mbylljen e pikës kufitarë të Kapshticës.

Kjo për shkak të shifrave të rritur të infektimeve nga Covid-19.

My Dental

Mëngjesin e sotëm, Drejtoria Vendore e Kufirit dhe Migracionit në Shkodër njofton se me aplikimin e kufizimeve të reja të lëvizjes për shkak të Covid-19, pika e Muriqanit dhe Hanit të Hotit do të lejojë të kalojnë vetëm ata persona që kanë leje qëndrimi, leje pune apo do të udhëtojnë nga aeroporti i Podgoricës.

Më poshtë, njoftimi i plotë i autoriteteve malazeze dhe Drejtorisë shqiptare:

“Autoritetet e Policisë Malazeze, në bazë të një njoftimi zyrtar që i kanë dërguar Pikës së Kalimit Kufitar Bozhaj/Hani i Hotit, sqarojnë se në kuadër të kufizimeve të reja për shkak të pandemisë COVID-19, deri ditën e hënë, datë 23.11.2020, do të lejohen të hyjnë në Malin e Zi, vetëm personat me leje qendrimi, me leje pune, ata të cilët kalojnë tranzit në territorin malazez dhe ata që udhëtojnë drejt Aeroportit të Podgoricës (të cilët duhet të jenë të pajisur me prenotimet e biletave).
Nga Muriqani në drejtim të Malit të Zi, lejohet të kalojnë edhe ata persona të cilët kanë prenotuar hotelet për fundjavën në Mal të Zi.

Nuk ka ndryshime, përsa i takon lëvizjes së mjeteve të transportit dhe të regjimit tregtar.

Këto kufizime janë të vlefshme edhe për Pikën e Kalimit Kufitar Muriqan dhe Bashkim. Në Pikën Bashkim Vermosh, lejohen vetëm shtetasit shqiptarë të cilët duan të dalin nga Mali i Zi, në drejtim të Shqipërisë.

Policia Kufitare Shkodër, iu bën thirrje të gjithë qytetarëve të cilët nuk bëjnë përjashtim nga këto kufizime, të shmangin udhëtimin në drejtim të këtyre Pikave të Kalimit Kufitar.

Duke ju falenderuar për mirëkuptimin!”