Tragjedi në Itali/ Rrëzohet helikopteri me 7 persona, asnjë i mbijetuar, 2 fëmijë mes viktimave

Një tragjedi ka ndodhur ditën e sotme në Foggia, Itali. Një helikopter i tipit A109, me 7 persona në bord, i cili u raportua i zhdukur paraditen e sotme, është rrëzuar.

Sipas mediave italiane asnjë nga personat në bord nuk ka mbijetuar, ndërsa mes viktimave janë edhe dy fëmijë.

Kontakti i fundit i helikopterit me radar ka qenë në zonën midis Apricena dhe San Severo, një zonë ku një stuhi ishte në zhvillim e sipër. Helikopteri, në shërbim në linjën Foggia-Vieste-Ishujt Tremiti, i përkiste kompanisë së transportit ajror Alidaunia.

Viktimat dyshohet se janë turistë sllovenë . Helikopteri ishte nisur në orën 9:20 nga Ishujt Tremiti dhe më pas kishte humbur gjurmët. Mbeturinat u gjetën në një zonë rurale të Castelpagano di Apricena.

/News31

Burimi: Abc News