Tiranë/ Makina përplas 3 mjete të parkuara, aksidenton edhe policin dhe një kalimtare

Një aksident i rëndë ka ndodhur mesditën e sotmë në kryeqytet, teksa uniformat blu bëjnë me dije se shtetasi Ç.K.49  vjeç ka përplasur me makinën e tij një automjet tjetër në parkim, ndërsa ky i fundit nga tronditja ka përplasur edhe dy mjete të tjera.

Si pasojë e përplasjes janë plagosur po ashtu edhe një punonjës policie dhe një kalimtare. Deklarata e plotë e policisë:

“Më datë 12.09.2023, në rrugë dytësore, në Kashar, shtetasi Ç. K., 49 vjeç, duke drejtuar automjetin, është përplasur me një automjet të parkuar. Më pas drejtuesi i mjetit ka vazhduar lëvizjen, dhe është përplasur me dy automjete të tjera të parkuara.

Si pasojë e aksidentit, janë dëmtuar shtetasit A. G., 48 vjeç, (punonjës Policie), dhe shtetasja A. Ll., 48 vjeçe, të cilët ndodheshin në këmbë në afërsi të automjeteve.

Drejtuesi i mjetit, shtetasi Ç. K., pas shkaktimit të aksidentit, është larguar nga vendi i ngjarjes dhe është kapur më pas nga shërbimet e Policisë.

Pas kryerjes së testit të alkolit, rezultoi se shtetasi Ç. K., drejtonte automjetin në gjendje të dehur, prova e parë 0.89 mg/l, dhe prova e dytë 0.87 mg/l.

Grupi hetimor po punon për sqarimin e rrethanave të ngjarjes."

/News31