Sherri pranë shkollës 9-vjeçare “Fan Noli”, ndërron jetë 14-vjeçari që mori goditje me thikë në zemër. Ja gjendja e të plagosurit tjetër

Detaje tronditëse vijnë nga konflikti me thikë që rezultoi me dy adoleshentë të plagosur, ndodhur mesditën e sotme pranë shkollës “Fan Noli” në kryeqytet.

Gazetari Igli Çelmeta raporton për BalkanWeb se 14 -vjeçari me inicialet M. C ka ndërruar jetë, pas një goditje me thikë të marrë në zemër.

Ndërkohë gjendja e 14-vjeçarit tjetër që u përfshi në konflikt me të, me inicialet L. M paraqitet në gjendje stabël pavarësisht plagëve në gjoks.

Më datë 18.11.2024, rreth orës 13:10, në rrugën “Qema Stafa”, rreth 200-300 metra larg shkollës “Fan Noli” janë konfliktuar 3 shtetas të moshës 14 vjeç.

Si pasojë e dëmtimeve të marra gjatë konfliktit, ka ndërruar jetë njëri prej tyre ndërsa tjetri ndodhet në spital, në kujdesin e mjekëve.

Është shoqëruar njëri nga autorët e dyshuar, ndërsa grupi hetimor po vijon punën për sqarimin e rrethanave të konfliktit.