NEWS 3 Nëntor 2022, 15:32

Sulmohet policia e Kosovës në pikën kufitare me Serbinë

Sulmohet policia e Kosovës në pikën kufitare me Serbinë

Policia e Kosovës ka njoftuar që mbrëmjen e djeshme, policët që ishin në ndërrim në pikën e Jasenovikut, kanë dëgjuar dy të shtëna radhazi. Me anë të një njoftimi policia ka bërë me dije se është sulmuar objekti i stacionit policor për mbikëqyrje kufitare në Jasenovik.

Njësia relevante policore ka gjetur një predhë plumbi e cila kishte goditur rrethojën e objektit të stacionit policor për mbikëqyrje kufitare në Jasenovik.

Lidhur me rastin Drejtoria kundër Terrorizmit po kryen hetime mbi dyshimet për kryerjen e veprave terroriste.

Njotimi i plote policor:

 

Prishtinë, më 03 nëntor 2022

Policia e Kosovës, në këtë rast zyrtarët policorë të cilët kanë qenë me detyrë në stacionin policor kufitar në Jasenovik, kanë informuar se me datë 02 nëntor 2022 gjatë natës kanë dëgjuar të shtëna armesh (dy të shtëna radhazi), përderisa ishin në realizim të detyrave të tyre në vendin e  quajtur Jabuke.

Njësia relevante policore ka gjetur një predhë plumbi e cila kishte goditur rrethojën e objektit të stacionit policor për mbikëqyrje kufitare në Jasenovik.  Lidhur me rastin Drejtoria kundër Terrorizmit po kryen hetime mbi dyshimet për kryerjen e veprave terroriste.

Policia e Kosovës me njësitet policore, do të vazhdojë angazhimet e saja në realizimin e detyrave dhe autorizimeve ligjore, në ruajtjen e rendit dhe sigurisë publike, parandalimin e krimit dhe kontrabandës si dhe shërbimin ndaj vendit dhe të gjithë qytetarëve pa dallime.

 

 

 

 

Burimi: Top Channel