Do të japë dorëheqjen pas humbjes së thellë në zgjedhje? Përgjigjet Sali Berisha

Pas humbjes së thellë së opozitës në zgjedhjet lokale të 14 majit, ish-kryeministri Sali Berisha, ka dalë një prononcim për mediat nga selia blu, teksa gjatë fjalës së tij u ndal në disa momente rreth asaj që ka ndodhur ditët e fundit. Kështu, Berisha u ndal te raporti i OSBE-ODIHR dhe tha se ky raport dëshmon se zgjedhësit shqiptarë votuan nën presion dhe jo të lire, gjë që vetë opozita e ka raportuar menjëherë pas mbarimit të zgjedhjeve. 

I pyetur nga gazetarët mbi rastin e Shkodrës, e cila pas kaq shumë vitesh u fitua nga PS, mësaktësisht nga kandidati Benet Beceu, kryetari i PD tha se Shkodra ka votuar nën pushtim të vërtetë, ndërkohë që në fillim të gjitha sondazhet e nxirrnin Bardh Spahinë fitues atje.

“Shkodra votoi nën pushtim të vërtetë. Të gjitha poll-et e kundërshtarëve tanë, por edhe tonat e nxirrnin Bardh Spahinë 14-16 pikë përpara.”- tha Berisha, teksa sipas tij kandidati i PS u ndihmua nga Pëllumb Gjoka, Bajrat dhe Tom Doshi, të cilët kanë kërcënuar votuesit ditën e zgjedhjeve. 

Berisha i quajti zgjedhjet e 14 majit si "procesin më të shëmtuar në histori", ndërkohë që pasi u pyet nëse do të japi dorëheqjen pas kësaj humbjeje, ai ka theksuar se nuk do të tërhiqet kurrë para bandave kriminale:

“Në qoftë se mendon ti apo ndokush tjetër se tërhiqet Sali Berisha para krimit ai sheh veshin e tij pa pasqyrë. Kurrë unë nuk tërhiqem para bandave dhe krimit shtetëror dhe jo shtetëror. Eshtë shembulli më i shëmtuar në të cilin u votua si në rrethim nga banda të Edi Ramës.

Në Shkodër u përdorën sasi kolosale, dhjetëra milionë euro dhe unë jam i sigurt se qytetarët e Shkodrës zgjedhën e krimit, pushtetin e krimit nuk do ta pranojnë"

/News31