261 orë nën rrënoja, pas shpëtimit 33-vjeçari pati vetëm një kërkesë!

“Si është nëna ime dhe të gjithë?” pyeti një 33-vjeçar në barelë me qetësi shokun e tij në celular. Duke qarë dhe me mosbesim, ai u përgjigj:

“Të gjithë janë mirë… të gjithë po presin… Unë po vij tek ti.”

33 vjeçari Mustafa Avci u nxor nga rrënojat e një ndërtese të shembur në provincën jugore Hatay të Turqisë 261 orë pas një tërmeti të fuqishëm 7.8 ballë që goditi rajonin më 6 shkurt. Ministri turk i Shëndetësisë, Fahrettin Koca, publikoi një video ku tregohej bisedën telefonike mes Avcit dhe mikut të tij.

“Më lejoni të dëgjoj zërat e tyre për një moment”, ishte kërkesa e tij.

Shoku i tij ia kthen qarë: 

“Unë jam duke ardhur.. Unë po vij tek ju… Vëlla, po vij.”

Avci më pas puth dorën e shpëtimtarit që mbante telefonin dhe e falenderoi.

 

 

 

Burimi: Top Channel