LIFESTYLE 28 Maj 2022, 21:40

Kalaja e mallkuar, banorët: “Kush e shkel vdes pas 1 viti”

Kalaja e mallkuar, banorët: “Kush e shkel vdes pas 1 viti”

Ka shumë atraksione turistike që pretendojnë se janë të përndjekura nga hije dhe fantazma, por janë të rralla ato që mund të vrasin turistët që i vizitojnë.

E tillë dyshohet të jetë një kështjellë “e mallkuar” në rajonin Zvikoc, në Republikën Çeke. Kalaja e Zvikocit është një godinë e shekullit të 13-të e vendosur në zemër të vendit midis dy lumenjve të mëdhenj Vltava dhe Otava.

Është e mahnitshme ta shikosh, por turistët duhet të jenë të kujdesshëm se ku shkelin që të mos përplasen me një nga banorët e lashtë dhe më të frikshëm të kështjellës.

Thuhet se kështjella është e përndjekur nga një zonjë me të bardha, e cila kalon nëpër mure në fund të natës duke qarë tmerrësisht.

Poshtë kuvertës, në katakombet e lagura të kështjellës, thuhet se bredhin përgjaktarë djallëzorë dhe kërcejnë në thembrat e disa turistëve që kanë dëshmuar se i kanë dëgjuar të ulërijnë natën. Por fama e këtyre dy fantazmave zbehet kur mëson për fantazmën tjetër që ndjek kështjellën, një demon.

Spektri, i njohur si Zvíkovský Rarášek është një figurë që është e zakonshme në bestytnitë çeke dhe ai pretendohet të jetë i keq deri në thelbin e tij.

Ky demon thuhet se është parë në kështjellë për qindra vjet, kryesisht në dy kullat që rrethojnë fortesën e madhe. Më e vjetra nga këto kulla, Kulla e Zezë, është pika e preferuar e “Spektrit” në kështjellë dhe konsiderohet fat i keq të hysh në të.

Supersticioni sipas banorëve që e besojnë dikton që kushdo që shkon në majë të Kullës së Zezë ose kalon vetëm një natë në kështjellë, do të ketë një fund të tmerrshëm si vdekja nga një sëmundje brenda një viti, të shkaktuar nga vetë djalli që lëviz aty.

Për t’i bërë gjërat edhe më keq, ai është gjithashtu i njohur për nxjerrjen e prizave nga muri dhe fikjen e dritave sipas turistëve që kanë vizituar Kështjellën.

 

Burimi: BalkanWeb