(Video) Turproja i përplasi djalit të saj "derën në fytyrë", si reagoi Angelina Jolie?

Në rrjet orët e fundit është duke u shpërndarë një video, ku protagoniste është Angelina Jolie, djali i saj dhe truproja e tyre, në një moment që për shumë mund të kishte qenë mjaft i sikletshëm (moment i cili ka ndodhur ditë më parë, por tani ka nisur të kthehet viral). Kështu, në pamje duket një cast kur aktorja e famshme zbret nga makina, drejt një eventi dhe është e shoqëruar nga djali i madh.

Angelina përshëndet fansat e saj dhe nxiton me disa hapa, teksa truproja duket se nuk e ka marrë njoftimin se edhe i biri ndodhet në makinë dhe i mbyll derën e automjetit me pak forcë, gati duke ja "përplasur në fytyrë". Menjëherë Jolie bën pas dhe hap derën, bashkë me truprojën tjetër, ndërsa djali zbret, mjaft i qetë, njësoj si nëna e tij. 

Në këtë moment, të gjithë prisnin për ndonjë reagim të aktores ndaj truprojes dhe faktit që u tregua i pakujdesshëm, por në fakt Angelina pothuajse nuk reagoi fare, duke vazhduar e qetë bashkë me të birin, i cili po ashtu sjelljen me gjasë e ka trashëguar nga e ëma. 

Menaxhim perfekt i momentit nga Jolie, edhe pse pas kamerave, ndoshta ka thënë dicka më shumë. /News31