Personazhet e njohur ndërrojnë profesion për një ditë speciale

Ditën e djeshme u zhvillua një ekspozitë shumë e veçantë ku ndryshe nga sa jemi mësuar, arti ishin profesionet dhe profesionistët që nuk dorëzohen.

Gazetarja dhe autorja e programit “Punë pa teka” në Top Channel, Kristi Gongo, zgjodhi foto nga profesione të ndryshme që ishin pjesë e dy sezoneve për t’i sjellë në një event që bëri bashkë shumë njerëz përfshi këtu edhe personazhe të medias.

Në ekspozitë kishte edhe veshje të profesioneve të ndryshme, të cilat Alban Musa, Erjona Rusi, Julka Gramo, nuk ngurruan t’i vishnin dhe të provonin ndjesinë e petkut të një tjetër profesioni, jashtë televizionit.

Nga fotot duket qe e kanë shijuar e ndoshta herë pas here mund të provojmë të vihemi në vend të atyre që na shërbejnë çdo ditë për t’i kuptuar më shumë.