Pas mbylljes së "Klanifornia", zbulohet ku do ta shohim Visjan Ukcenajn këtë sezon!

Visjan Ukcenaj, tashmë i njohur jo vetëm si pjesë e kastit të programeve si "Apartamenti 2XL" dhe "Klanifornia", por edhe për batutat e cdo gjë tjetër që bën në rrjetet sociale, duket se ka gjetur 'shtëpinë" e re për këtë sezon televiziv. Kështu, aktori i humorit, nuk dihej nëse do të ishte pjesë e televizionit, pas mbylljes së programit në Tv KLAN dhe nëse do të ishte në ekran, në cilin program specifikisht, ndërsa për ta zbuluar këtë ka mjaftuar një postim në TikTok i njërit prej kolegëve të tij të rinj. 

Po flasim për aktorin e ri, Deivi Myslymi, që sezonin e shkuar e kemi parë si pjesë të "Portokalli" dhe që ka postuar një video me një prej trend-eve të fundit shqipare në këtë platformë, duke pasur pjesëmarrjen edhe aktorëve të tjerë të programit, përmendim këtu Salsano Rrapin dhe Tan Brahimajn. 

Ndërkohë në video shfaqet edhe Visjani, bashkë me aktorët e tjerë, cka do të thotë se këtë sezon do ta shohim pikërisht në "Portokalli", teksa është hera e parë për të që do të jetë pjesë e kabaresë më jetëgjatë në Shqipëri, me gjasë me disa prej roleve të tij më të njohura, por edhe me plot materiale të reja. 

Tani na mbetet ta shohim Visjanin cdo të dielë në ekranin e Top Channel... /News31