Në postimin e Armaldos në Instagram, vëmendjen e mori komenti "epik" i Luizit!

Luizi dhe Armaldo kanë qenë një prej dysheve më interesante gjatë qëndrimit në shtëpinë e "BBVIP", teksa përtej rivalitetit dhe debateve "në kuadër të lojës", kanë dhuruar mjaft momente gazmore e të qeshura, gjë që vazhdojnë ta bëjnë edhe tani, kur programi ka disa kohë që ka mbaruar. 

Këtë herë ishte Maestro që postoi në Instagram-in e tij disa foto, mjaft interesante do thonim, ndërsa tek njëra prej tyre, ku shfaqet duke luajtur shah shkruante: “Fito me elegancë, humb me dinjitet” . Por edhe pse fotot e Armaldos ishin mjaft të bukura, ishte komenti i Luizit në postim që kë tërhequr gjithë vëmendjen e njerëzve, madje edhe të Arban Osmanit, pasi ju përgjigj kështu caption-it të tij filozofik: “Ose mos luaj fare kur nuk di”. 

Komenti ka marrë më shumë reagime sa vetë fotoja, sigurisht të qeshura, edhe nga moderatorja e "BBVIP" që po e dashuron dinamikën edhe jashtë shtëpisë mes artistëve, ndërsa rezultati deri më tani është 2-0 për Luizin, një "gol" se fitoi "Big Brother"-in dhe një tjetër se fitoi në Instagram. 

/News31