Mc Kresha dhe Lyrical Son tregojnë kush paguhet më shumë në koncerte

Mc Kresha dhe Lyrical Son ishin të ftuar në “Më lër të flas” ku folën rreth karrierës dhe marrëdhënieve personale.

Artistët u pyetën nga vëllezërit Veshaj se cili nga të dy paguhej më shumë nëpër koncerte dhe përgjigjja u dha menjëherë kur të dy shpërthyen në të qeshura.

“Unë dhe Festimi kemi pasur grindje, kacafytje, keqkuptime të të gjitha natyrave të ndryshme përveç lekut sepse ne gjithçka e ndajmë 50-50,” – u përgjigj MC Kresha ndërsa u pasua nga duartrokitjet e publikut.

Sigurisht nuk mund të mungonte dhe një batutë nga Romeo i cili i drejtoi një thirrje publike Elgit Dodës (sigurisht në kuadrin e shakasë). Kujtojmë se Elgiti, Romeo dhe Donaldi kanë marrë pjesë nëpër koncerte bashkë nisur dhe nga bashkëpunimet e tyre muzikore.