Hatërmbetje mes Luana Vjollcës dhe Olta Gixharit? Ky koment sqaron gjithçka!

Në puntatën e fundit të "Dancing With the Stars" Olta Gixhari, vendosi që në një moment kur edhe po përpiqej të çtensiononte situatën nga emocionet, të luante pas performancës së Gracianos dhe Atalantës, këngën e Luana Vjollcës "Benzina". Arsyeja? Cifti po kërcente këngën "Gasolina" në skenë dhe për aktoren në fakt duhet të kishin kërcyer me këngën shqiptare "Benzina", që e vendosi për të gjithë nga telefoni, moment që shkaktoi edhe të qeshura, ndërsa "riktheu" Luanën në Top Channel pas disa vitesh. 

Ndërkohë mbrëmjen e djeshme, Luana, në një postim të mbushur me foto e video "throwback" nga "Love Island Albania", përdori pikërishtë këngën "Benzina", teksa pyeti ndjekësit nëse i kishte e marrë malli. Pyetjes së fundit ata ju përgjigjën sigurisht me po, ndërsa shumë prej tyre menduan se në fakt kjo ishte një përgjigje me ironi e moderatores ndaj Oltës, teksa u ngirtën edhe aludime për një hatërmbetje mes tyre. 

Gjithsesi, e vërteta duket se është krejt ndryshe, teksa në postimin e Luanës ka komentuar vetë Olta, e cila shkruan: :Ka lezet, kshu t'i vesh benzinën", duke treguar se jo vetëm që nuk ka hatërmbetje mes vajzave, por raportet janë shumë të mira dhe miqësore. 

Akoma më tepër, duket se përdorimi i këngës nga Olta ka qenë dicka e momentit dhe e gjithë "drama" nuk është gjë tjetër vecse një dëshirë e mediave për klikime, që nuk mund t'i lenë këto momente pa u shpëtuar, por edhe një "keqkuptim" nga ana e fansave, që ndoshta batutën dhe ironinën, nuk e kuptojnë si duhet. 

Shpresojmë që herën tjetër, Olta të vendosë një tjetër këngë të Luanës! /News31