Gjiko zbulon për herë të parë dëshirën e tij më të madhe!

Pas një mungese në daljet publike dhe intervista, Gjiko u rikthye këtë të dielë në programin “N’majë t’gjuhës”. Përballë Xheraldina Vulës, reperi foli për karrierën, jetën personale si dhe dëshirat e tij.

Ndalur te kjo e fundit, Gjiko zbuloi për herë të parë një ndër dëshirat më të mëdha në jetën e tij, të cilën nuk ja ka thënë askujt më parë. Artisti dëshiron të shikojë gjithë botën duke lundruar.

“Kam qef me lundru krejt botën. Mendoj që diku pas moshës 45-50 vjeçare me lundru gjithë botën për rreth 1 vit. Mendoj që është një sfidë.”

I pyetur nga Xheri se përse këtë dëshirë kaq të bukur nuk ja ka thënë as Elitës, as prindërve e as miqve, Gjiko ka një arsye edhe për këtë.

“Dëshirat nuk duhet me i shpreh shumë sepse pastaj është e mundur që të ngopesh veç me euforinë që e the atë dëshirë. Kështu që duhet me u fokusu brenda vetes dhe kur të vijë koha ta realizosh”

Pasi Gjiko e shprehu këtë dëshirë, të cilën duket se do e realizojë patjetër, jemi kuriozë të dime se cili ose cilët do të jenë personat që do ta shoqërojnë reperin në këtë aventurë kaq të veçantë të jetës së tij.