Fatma Haxhialiu zbulon gjininë e bebit me një tjetër video plot emocion

Moderatorja Fatma Haxhialiu është në pritje të embël dhe lajmin e bukur e dha nëpërmjet një video shumë emocionuese disa javë më parë.

Me gjithë energjinë e mirë që transmeton në postimet e saj, duket se po e shijon shumë këtë shtatëzëni të dytë.

Qershia mbi tortë sigurisht që mbetet Kian, personazhi kryesor edhe në videon e sapo postuar ku zbulohet gjinia e bebit.

Lumturia në familjen e tyre do të shtohet me ardhjen e një tjetër djali. Kian tashmë do të jetë vëllai i madh i një  vëllai të vockël të cilin e ka dëshiruar shumë!
Tjetër herë me vajzë Fatma! Nëse ke ndërmend të trashëgosh “Fatmarrela” tek një tjetër kaçurelse.

Përtej shakasë, shumë urime për Fatmën e cila mesa duket qënka e destinuar të llastohet nga tre çunat e saj.