E konfirmon vetë Luana Vjollca, programi me famë botërore vjen për herë të parë në Shqipëri

Siç është raportuar prej disa javësh, programi me famë botërore “Love Island” do vijë së shpejti për herë të parë në Shqipëri. Ky projekt i "nxehtë" i është besuar Luana Vjollcës.

Përtej zërave, Luana nuk e kishte konfirmuar këtë gjë. Në episodin e fundit të “Zemër Luana” ajo u shpreh se do sillte diçka hot por pa e specifikuar.

Dheee... pritje mori fund!

Në rrjetet e saj sociale, moderatorja ka treguar se ndodhet në Holandë për punë e më pas zbuloi se po punon për pikërisht për “Love Island”. Por pa zbuluar më tepër detaje.

Ky format bën bashkë një grup beqarësh në një vilë, ku zhvillojnë takime romantike me qëllim për të gjetur një partner. Ata që nuk arrijnë të krijojnë një çift rrezikojnë të eleminohen.

Luana, tani jemi gati të na zbulosh kur do të nisë gjithçka...:)