Arjan Konomi u përgjigjet për herë të parë komenteve për pamjen e tij!

Arjan Konomi është larguar nga ekranet këtë periudhë dhe aktualisht ndodhet me pushime duke vizituar shumë vende të botës, eksperiencë të cilën ai e ndan dhe me ndjekësit në rrjetet sociale.

Disa ditë më parë ai publikoi një video në TikTok, ku ndante momente nga takimi i tij me Shane Sali, kryetar i bashkisë Shepparton, Victoria, Australi. Në komente, njerëzit vërshuan me teori për pamjen e Arjanit, duke përmendur vendimin e tij për të mbajtur flokët të thinjur, ngjyrën e lëkurës, nëse vuan nga ndonjë sëmundje, teorinë konspirative e një klonimi, etj...

E së fundmi, Arjani ka zgjedhur të reagojë mbi këto komente. Me anë të një postimi në Instagram, opinionisti sqaron se është shumë mirë me shëndet, teksa i falenderon ndjekësit për shqëtësimin e tyre:

“Tungjatjeta nga Tropical Forest North Australia! Jam shumë mirë me shëndet! Rrofshi që bëheni merak për mua!  Fjalët e kësaj kënge duken sa jam bërë për mua : “Jam një vagabond që qetësi nuk gjen kurrë, dua veç veten time dhe lirinë time”.