Elvana Gjata zbulon një pjesë nga kënga me Inna-n dhe datën e publikimit



Elvana Gjata lajmëroi javën e kaluar se ka gati një bashkëpunim me dy artistët ndërkombëtarë Inna dhe Sickotoy. Kujtojmë se Inna është autore e shumë hiteve si “Amazing”, “Sun is up”, “Deja Vu” etj. Prej kohësh mes dy gocave ishte vënë re një miqësi e mirë pasi ato suportonin njëra-tjetrën në rrjetet sociale për projektet përkatëse. Kënga e tyre mban titullin “Papa’ teksa sot Elvana ka zbuluar se projekti do publikohet më 23 korrik, pra të premten. Ajo ka ndarë me ndjekësit në rrjetet sociale një videp shkëputur nga kënga, e cila duket se do jetë ritmike dhe plot ngjyra.





 






 

View this post on Instagram

 

A post shared by Elvana Gjata (@elvanagjataaaa)

Kujtojmë se Elvana publikoi bashkëpunimin e parë me Yll Limanin të shtunën, duke i surprizuan të gjithë pasi publikuan jo një, por dy këngë, që tejkaluan çdo pritshmëri. Në titujt “E di” dhe “Marre” Elvana dhe Ylli ia dolën të godisnin në shenjë e të konkurrojnë për titullin “Hiti i verës” teksa brenda pak ditësh projekti i tyre ka arritur 2.2 milionë klikime.

Ndërkohë, ky vit po konsiderohet si viti i Elvana Gjatës. Kujtojmë se më 16 prill, Elvana u rikthye me “Çelu”, një mini-albumin që përmban 7 këngë, i cili ka marrë pëlqimet e padiskutueshme të publikut. “Çelu” synon që të çelë shpirtin e vetë këngëtares fillmisht, por edhe të të gjithë shqiptarëve që kohët e fundit kanë përjetuar një situatë aspak të lehtë. Jemi të bindur se deri në fund të 2021 do na serviren surpriza edhe më të bukura nga artistja.

/News31