Papa Françesku vaksinohet kundër Covid-19, merr dozën e parë të "Pfizer"
Papa Françesku është vaksinuar ditën e sotme kundër Covid-19, duke marrë dozën e parë të vaksinës "Pfizer".
Siç kishte njoftuar, kreu i Vatikanit këtë mëngjes u paraqit në klinikën e përshtatur, të ngritur përpara "Aula Nervi", ku para pandemisë organizoheshin ngjarjet më të mëdha në shtetin e vogël.
Vaksinat e Pfizer/BioNTech kanë mbërritur prej disa ditësh në Vatikan dhe fushata e vaksinimit nisi në "Aula Paolo VI". Për të ruajtur vaksinat, janë blerë frigoriferë të posaçëm për temperatura tejet të ulëta.
[caption id="attachment_36979" align="alignnone" width="457"] (ANSA) GR-Y43/ S0A QBXB[/caption]
Vatikani përmes zëdhënësit Matteo Bruni, tha se këtë mëngjes filloi fushata e vaksinimit kundër Covid-19, duke nisur nga ati i shenjtë e për të vazhduar me kardinalët e tjerë.
Po ashtu edhe Ratzinger-i (Papa Benedict) duhet të vaksinohet ditën e sotme, e konfirmuar nga sekretari i tij, mosignor Georg Gaenswein.
/News31
Burimi: Ansa.it